ما معني ايمو

pm{ .. شو يعني مصطلح الـ ( emo ) ..؟ .. }

الايمـو
– اهو نوع من انواع موسيقى الروك و الميتال و هي اختصار حق كلمة emotional
يعني عاطفي أو حساس .. بس مو حساس عادي لا .. يعني حسـاااس حـدددده ..
الايمو أول ما بدى كان بس نوع من الموسيقى ، لكن مع الوقت تحول الى lifestyle ، و أول ما بدى كان بـ واشنطن ..
و اهي طلعت من الـ Punk اللي يسمونهم متمردين و هذي فرقة ثانيه <--- فرقة يعني نوع ثاني مو باند
{ .. صفات الـ ( emo ) .. }


الشباب اللي يكونون ايمو ، يكونون اشخاص دايماً حزينين بدون سبب حتى و كئيبين و ما يتكلمون وايـد يعني
يمويلون للصمت أكثر ..
يكتبون اشعار دايماً حزينه ، و حساسين حدهم ، و يعني جنه يشوفون العالم من زاويـة سودا .. و بعد واايـد يبجـوون .
{ .. شكلهم و طريقـة لبسهم .. }

الايمو يحبون الالوان الغامجة ، و أكثر شي يلبسون اللون الأسود .. و لازم البنطرون يكون ضيييج ، يعني
كل ما كان ضيج كان أحسن .. و حتى البلوزات نفس الشي بس البلوزة تتميز ان يكون عليها اسم او سونقية باند يحبها ..
و بعد يلبسون بإيدهم الاكسسوارات السودا مالت الروك ( عرفتوهم ؟ ) ، اللي يصير فيها مثل اكشنات
مثل اساور سودا و فيها اشياء فضيـة .. نفس جذي :-



و يحطون شدو أو كحل أسود حوالين عيونهم بس يحطوون وااايـد يعني over عشان تبين انها أكبر .. و يحطون بعد
الـ piercing ، بس أكثر شي يحطونها تحت شفايفهم .. نفس هذي :-


شعرهم أسـود و يكون نازل صوب عيونهم يعني عشان يغطونها شوي ، لأن اهم دايماً يبون ويههم ما يبين وايـد
و يكون شعرهم ستريت ، بس بعضهم يصبغ خصل ورديه أو أحمر بس من ورا يعني .. و يصبغون اظافرهم
بـ صبغ اظافر أسود ..
و لأن الايمو كلهم نفس الشي ، تلقى البنت و الولد نفس النظام يعني ما تعرف البنت من الولد .. و كلهم يندرجون
تحت مسمى واحـد اللي اهو الـ emo-kids ..
الايمـو بعد يشقون ايدهم من ناحية المعصم عشان يخففون الالم الداخلي اللي يحسونه ..

{ .. عبارات مشهـورة .. }

Cheer up emo kid

هذي تنقال يعني لمن واحد ايمو يحس انه feeling emotionally down على شي معين أو عدة أشياء و يبون
يخلونه يحس انه أحسن شوي و يعدلون مزاجه .. مثلاً واحد منهم يقول " I'm a loser " .. يقولون له هالعبارة جذي يعني ..

Don't act like an emo

تنقال اذا واحـد اهو كئيب أو حزين لكنه ما ينتمي أصلاً للإيمو ، يقولون له لالا تتصرف كـ إيمـو ..
{ .. صورالـ emo .. }

• 
  
• 
  

• 
  
• 
  
• 
  
• 
  
•